今晚深夜歐聯另一焦點戰，上屆亞軍阿仙奴主場迎戰里爾。「兵工廠」於歐洲賽踢法不同，相對注重防守，近8場歐聯全開3球或以下，而且領隊阿迪達會作出部分輪換，今場亦會避重就輕，以贏波為目標，減少受傷，里爾實力稍遜，今場輸少當贏，作客相信會踢得保守，3.5球入球細屬正路之選。（Now 643周三凌晨3時直播）文:渡邊年

阿仙奴上場聯賽重上正軌，以2比1反勝列斯聯，不過「達Sir」喺歐洲賽戰術同聯賽不同，阿仙奴喺英超會以高位壓逼，控制皮球在腳為主，但踢歐洲賽採用陣地戰防守，減低對手傳球空間，有時甚至交出部分控球權畀對手，上季分組賽8戰只失4球，即使決賽鬥巴黎聖日耳門，90分鐘亦同對方互交白卷，近8場歐聯全開3球或以下。

睇番阿仙奴歐聯首戰贏拿玻里嘅陣容，預計約基利斯、般奴古馬雷斯及米基爾馬連奴今場會正選上陣，球隊整體實力唔會有太大影響，而且阿仙奴過去16場歐聯分組賽/聯賽階段喺主場出擊，獲15勝1和佳績，「達Sir」可放膽輪換。

里爾麥巴比停賽攻力削
里爾實力稍遜，雖然今場有基奧特倒戈，但呢名法國前鋒已經40歲，作用有限。球隊歐聯首輪主場對貝迪斯，於領先之下反輸2比3，近期表現出眾嘅19歲小將伊登麥巴比食紅牌，今仗需要停賽，更加削弱球隊攻擊能力，預料今場作客會踢得保守，入球細好路。