今晚日職焦點戰，鹿島鹿角主場迎戰大阪飛腳。雖然兩軍都有亞冠精英盃後顧，但鹿角一向靠主場搵食，加上近期重拾狀態頻頻入波，今次對住表現飄忽嘅飛腳，主勝手到拿來。文:法達斯維

（無綫myTV SUPER周五晚6時直播）

鹿角經歷早前3連敗後，近3場取得2勝1和狂入13粒，總算止跌回升，其中喺亞冠精英盃首仗狂數紐卡素噴射機七個一皮，雖然對手因未開咧狀態欠佳，但咁大嘅勝仗，的確能振奮鹿角軍心。而且鹿角一向靠主場搵食，今季各項賽事6次主場出擊取得5勝，地頭威力強勁，必定搶W為嚟緊亞冠盃對河內公安壯行色。

飛腳作客表現打折
飛腳今季表現飄忽，各項賽事近8場，贏得兩次咁大把，仲要兩場勝仗都係來自主場，作客演出例打折扣。除此之外，半田陸、三浦弦太、奧拔侃志及植中朝日等仲養緊傷，而呢班波又處於重建階段，又考慮到下周中亞冠盃作客紐卡素噴射機，兵源唔太充裕下可能要避重就輕，今仗無謂同鹿角硬碰，主勝可取。