克羅地亞殘陣頂唔住英格蘭撻着搶W克敵

返回开启护眼

克羅地亞殘陣頂唔住英格蘭撻着搶W克敵_東方日報

来源：网络时间-10-03

歐國聯A3組大戰，克羅地亞主場惡鬥英格蘭，兩隊目前同樣1勝1負得3分，爭奪出線資格不容有失。英格蘭踢歐國聯態度認真，領隊杜曹講明唔會留力，今場對住年紀偏大嘅克羅地亞，實力同體力上都有優勢，客勝值得信賴。（周日凌晨零時開賽）文:工廠仔

英格蘭陣容鼎盛，雖然首戰輸畀西班牙，但上場輕取捷克重拾信心，哈利卡尼、安東尼哥頓同布卡約沙卡組成鋒線全面撻着，預料上場做後備嘅祖迪比寧咸亦會復任正選，火力如虎添翼。而且「三獅兵團」班生牯仔好跑得，可以剋住有唔少老將嘅克羅地亞，兩隊喺今夏世盃交鋒過，當時英格蘭贏4比2，翻查兩隊近3次對賽，英格蘭都順利贏波，有格食格味道。

克羅地亞殘陣頂唔住
克羅地亞至今仍然靠41歲嘅莫迪歷擔大旗，上場呢位核心人物冇踢正選，即刻被西班牙大炒四個一皮，而且賽前亦出現唔少傷兵，後衞祖蘭奴域同艾歷都因傷退隊，戰鬥力再打折扣，今場捧客勝先係上算。

上一篇: 歐國聯：施丹執教攻力足「意」氣風「法」大報復_星島日報

下一篇: 戰力決心贏晒日本南韓誓創4連冠霸業_東方日報