亞運男足4強，日本男亞足主場迎戰烏茲別克男亞足，兩隊今屆都係派出21歲或以下球員參賽，並且一樣4戰4勝，加上淘汰賽一戰定生死，雙方踢法應會比較謹慎，法定時間90分鐘未必分到勝負。烏茲別克男亞足受讓，讓球客勝（+1）比較抵玩。文:Mic少

（HOY 76周三晚6時30分直播）

日本淘汰賽開始見底
日本男亞足憑地利優勢，演出近乎完美，賽事展開之後，踢4場都贏波，合共入13球兼不失球。不過，「日男」分組賽對手比較弱，參考價值唔大，上場8強對北韓男亞足，先至遇到真正考驗，最終只係小勝1比0，全場得10次射門，比北韓少8次，實力開始見底，今仗對手烏茲別克男亞足實力高過北韓，「日男」想法定時間贏波，把握並唔大。

至於烏茲別克男亞足4戰4勝入12球失1球，狀態同日本一樣咁弗，但烏軍踢法比較慢熱，上場8強贏沙特阿拉伯3比0，有2個入波係比賽後段出現，加上考慮到日本主場氣勢，預料烏軍今仗應會做好防守，避免先失波，否則一旦落後，要攻入日本大門，就非常困難。兩隊屬於五五波，或會出現拉鋸局面，可能需要加時，甚至互射12碼分勝負。